Авион на „Флај Дубаи“ од Обединетите Арапски Емирати со 200 српски државјани, кој првично беше одложен, слета во Белград.
Аеродромот во Дубаи објави дека првиот лет од Обединетите Арапски Емирати до Србија, по прекинот на летовите поради тензиите на Блискиот Исток, полетал околу 23:30 часот по централноевропско време.
Авионот е „Боинг 737 Макс 8“, управуван од „Флај Дубаи“, со капацитет од 162 до 200 патници.
Авиокомпанијата „Емирати“ со седиште во Дубаи вчера објави дека започнува со работа со ограничен број летови.
„Приоритет им се дава на патниците со претходни резервации, а оние кои се прераспределени на овие ограничени летови ќе бидат контактирани директно од „Емирати“, се вели во соопштението на компанијата.
Авиокомпанијата апелираше до патниците „да не доаѓаат на аеродромот освен ако не бидат известени“.
Компанијата додаде дека сите други летови остануваат суспендирани до понатамошно известување пренесува рацин.
фото: By Konstantin von Wedelstaedt – http://www.airliners.net/photo/Flydubai/Boeing-737-8GQ/1889938/L/, GFDL 1.2, https://commons.wikimedia.org/w/index.php?curid=16946683
