Три лица биле повредени во тешка сообраќајка меѓу автобус и патничко возило.
– На 25.06.2023 во 19.48 часот било пријавено дека во Битола на крстосницата од ул.„Васко Карангелевски“, ул.„Игњат Атанасовски“ и влез кон паркинг простор од новиот пазар се случила сообраќајна несреќа помеѓу патничко моторно возило „шевролет калос“ со битолски регистарски ознаки, управувано од Д.Ј.(18) од Битола и автобус „исузу“ со битолски регистарски ознаки, управуван од Т.Т.(55) од Битола, соопшти МВР.
Како што информира МВР, во несреќата со тешки телесни повреди се здобил Д.Ј., а со телесни повреди се здобиле Т.Т. и сопатникот од патничкото возило Б.А.(18) од Битола, констатирани во Клиничката болница Битола.
