Битола изминатиов викенд беше центарот на автомобилскиот свет во регионот. Во саботата, на 20 јуни, по вторпат се одржа големиот собир „CAR SHOW 2026“, во одлична организација на „Car Club Битола“. Настанот привлече огромен број посетители и љубители на автомобилите, потврдувајќи го статусот на еден од најважните авто-настани во земјата.
Годинава, публиката имаше можност да ужива во изложба на дури 180 атрактивни возила, со учесници кои пристигнаа од 6 различни земји.
Генерални спонзори кои дадоа максимална поддршка за реализација на овој амбициозен проект беа препознатливите брендови на КС Групација.
Како посебна ексклузива, официјалната кола на организаторот доби целосно нов изглед. Евротип и клубовите на Голд Слот ја брендираа со специјално дизајнирани таблички со што дадоа дополнителен визуелен печат на шоуто.
Еден од највозбудливите моменти на настанот беше доделувањето на специјалната награда од страна на КС Групацијата. Претставниците на групацијата имаа задача самите да го одберат своето омилено возило од сите присутни кои беа изложени. Изборот падна на автомобил на учесник кој пристигна од Скопје, на кого свечено му беа врачени престижен пехар и вредносен ваучер од луксузниот комплекс Голд Фелициа Битола.
Денот помина во знакот на врвна забава, многу адреналин и натпреварувачки дух.
Посетителите и учесниците активно се вклучија во забавните игри, каде што се тестираше силата и издржливоста: од традиционалното кревање бандаж и тргање со јаже, па сè до супер-интересниот натпревар во јадење хот-дог.
Штандовите на генералните спонзори понудија вистинска празнична атмосфера предводена од шармантните хостеси. За најмладите имаше гратис пуканки, додека повозрасните ја испробаа својата среќа на „Среќното тркало“, каде се делеа бројни вредни награди. Сите собрани средства од Среќното тркало беа донирани во хуманитарни цели, со што овој настан уште еднаш ја покажа својата општествена одговорност. Важно е да се напомене дека благодарение на Голд Слот, Евротип и Голд Фелициа, награди имаше обезбедено за буквално сите учесници на настанот.
Спектаклот заврши во вечерните часови со масовна посетеност и незаборавна музичка забава предводена од популарното дуо „Два Бона“, кои се погрижија за одлична атмосфера до самиот крај.
