На азиските пазари цените на акциите пораснаа четврти ден по ред, достигнувајќи нови највисоки нивоа во последните седум месеци, но тргувањето е претпазливо бидејќи економските показатели не се многу импресивни. Индексот MSCI на азиско-пацифичкиот регион, без Јапонија, зајакна 0,5 отсто и достигна нов седуммесечен максимум.
Истовремено, на токиската берза индексот Никеи ослабе за 0,2 отсто, додека цените на акциите во Јужна Кореја, Сингапур и Хонг Конг пораснаа меѓу 0,6 и 1,9 отсто. Во Австралија и Шангај не работат поради празници. Берзата во Хонг Конг утринава води по добивки, бидејќи инвеститорите го надополнуваат пропуштеното, со оглед на тоа што во тој град не работеа во претходните три дена, кога поскапеа светските берзи.
Лоши резултати на американските компании
Значително порасна и јужнокорејскиот индекс Коспи, иако утринава беше објавено дека бруто домашниот производ (БДП) на земјата паднал во четвртиот квартал од минатата година, првпат по повеќе од две години, за 0,4 отсто.
Внимание има и на другите пазари, како вчера на Волстрит, бидејќи по силниот раст на пазарот од почетокот на годината, инвеститорите веќе не се премногу склони на ризик. Dow Jones порасна за 0,03 отсто, додека S&P 500 се лизна за 0,02 отсто, а Nasdaq индексот за 0,18 отсто.
Внимателноста на инвеститорите е последица на не многу впечатливите деловни резултати на американските компании, кои се под притисок поради високата инфлација и забавувањето на економскиот раст. Извештајот досега го објавиле 95 компании од индексот S&P 500, од кои 67 отсто забележале поголема добивка од очекуваната.
Но, аналитичарите анкетирани од Ројтерс проценуваат дека заработката на компаниите од индексот S&P 500 паднала за 3 отсто во четвртиот квартал од минатата година во споредба со истиот период пред една година, додека пад на заработката од 1,6 отсто се очекувал на почетокот на годината.
Доларот ослабе, цените на нафтата ги надоместуваат загубите
И на валутните пазари вредноста на доларот во однос на кошницата валути значително падна. Индексот на доларот кој ја покажува вредноста на американскиот долар во однос на другите шест најважни светски валути се движи околу 101,53 поени, додека вчера во овој момент изнесуваше 101,92 поени.
Истовремено, курсот на доларот во однос на јапонската валута се лизна од вчерашните 130,50 на 129,20 јени. Американската валута ослабе и во однос на европската, па цената на еврото достигна 1,0920 долари, додека вчера во ова време беше 1,0890 долари.
Цените на нафтата, пак, благо пораснаа, по вчерашниот пад. Цената на барелот на лондонскиот пазар се зголеми за 0,14 отсто, на 86,25 долари, додека на американскиот пазар цената на барелот порасна за 0,42 отсто, на 80,50 долари.
