Ладниот и сув воздух, кој ги карактеризира зимските месеци, го суши скалпот, извлекувајќи ја влагата и природните масла од него, предизвикувајќи кршење и опаѓање на косата.
„Сува коса и сувиот скалп може да предизвикаат кршење, истенчување и опаѓање на косата“, изјави дерматологот Абас Канаи за The Sun.
Според експертите, скалпот може да стане повеќе склон кон дехидрација поради студеното време и сувиот внатрешен воздух.
Покрај тоа, ниското ниво на витамин Д, кој се апсорбира од сонцето и е потребен за раст на косата, може да го влоши проблемот.
„Телото создава витамин Д преку директна изложеност на сончева светлина, но од октомври до почетокот на март, не сме толку изложени на сонце и не добиваме доволно витамин Д“, додава д-р Канаи.
Недостатокот на витамините А, Б, Ц, Д и Е, како и железо и цинк, исто така е поврзан со губење на косата.
Фризерите препорачуваат избегнување на прекумерно миење на косата во зимските месеци. Кога ја миете косата, избегнувајте топла вода бидејќи може дополнително да го исуши скалпот. Исто така, добро е да го држите фенот што подалеку од косата.
Извештајот од 2001 година објавен во International Journal of Dermatology сугерира дека носењето тесни капи може да го забрза опаѓањето на косата. Свилените капи и ткаенините од мешавина од волна се понежни за косата и го намалуваат триењето и кршењето, пренесува Index.hr.
