Градоначалникот на Општина Битола Тони Коњановски приреди прием за амбасадорката на Литванија Вилма Дамбраускиене со која, како што соопштија од Кабинетот на Коњановски, разговарале за можностите за напредок во областа на културата, туризмот и економијата.
Според Коњановски, има голем простор за соработка меѓу двете земји, а Битола како град на културата нуди можности за развој и размена.
На средбата со Коњановски, амбасадорката Дамбраускиене го информирала градоначалникот дека јубилејот 30 години билатерални односи меѓу Македонија и Литванија ќе биде одбележан на 19 јули во Битола, каде меѓудругото во Офицерски дом предвиден е концерт на познати пијанисти од Литванија
Фото: Општина Битола
