Битола инфоВести

Андреј Маслинко го засили битолски Пелистер

Кошаркарскиот клуб Пелистер промовира уште едно ново име во тимот. Се работи за Андреј Маслинко, репрезентативецот на Македонија кој ќе заигра во Битола.

25-годишникот одлично ги познава можностите на мак-кошарката, бидејќи Пелистер за него ќе биде петти клуб во домашното првенство. Досега Маслинко настапуваше за Работнички, МЗТ Скопје, ТФТ и Гостивар.

Пелистерци имаат амбиции да се нападне врвот на „штрковите“, меѓутоа јасно е дека нема да биде лесно. АБА-лигашот чекори сигурно на домашната сцена, а битолчани минатата сезона паднаа токму од МЗТ во финалето на првенството.

Сепак, јасно е дека Марјан Илиевски и неговите избраници ќе се борат за двата домашни трофеи додека има шанса. Во декември Пелистер се засили со Павле Михајловски, па останува да видиме дали ќе се доведе уште некое име пред втората полусезона.

Поврзани новости