Јавното комунално претпријатие „Водовод“ – Битола ги известува граѓаните дека моментално се соочува со зголемена потрошувачка на сирова вода, што резултира со отежнато или прекинато водоснабдување во одредени делови од градот.
Од претпријатието нагласуваат дека не станува збор за воведување на рестрикции, туку за последица од намален капацитет на вода, што особено се одразува во високите делови на ниската зона.
„Најмногу се погодени корисниците кои живеат во висококатници. Ги повикуваме станарите да ги стават во функција своите хидрофорски постројки, со цел да се овозможи подобро и постабилно водоснабдување“, стои во известувањето.
Од „Водовод“ упатуваат уште еден апел до сите граѓани за совесно и рационално користење на водата, со цел стабилизирање на системот и редовно снабдување со вода.
