Тато тука сум, издржи, тука си?
Вака петгодишната Ајше седум часа се борале за живот под урнатини откако катострофален земјотрес од 7,8 по рихтеровата скала во утринските часови ги погоди Турција и Сирија. Се урнала шесткатна зграда, а таа и нејзиното семејството останале заробени под урнатините.
Турција извести дека втор силен земјотрес за помалку од 12 часа го погоди југоисточниот дел на земјата, а државните медиуми во Сирија објавија дека се почувствувал и во главниот град Дамаск. Земјотресот имал јачина од 7,5 степени според Рихтерова скала. Бројот на загинати во денешниот земјотрес во Турција и Сирија надмина илјада и се стравува дека тој ќе биде многукратно поголем. Сириските власти кажаа дека во земјата има над 300 мртви и повеќе од 1.000 повредени.
Според турскиот лидер Реџеп Таип Ердоган, ова е најтешкиот земјотрес во Турција од 1939-тата година, додавајќи дека срамнети со земји биле повеќе од 2 818 згради.Турција е земјата со најголем број бегалци од Сирија, од војната која најголем дел од меѓународната заедница веќе ја заборави.
– Денеска по земјотресот, започнавме да примаме голем број случаи, стотици повредени. Досега, бројот е околу 100. Загинаа околу 30 луѓе. Знаеме и имаме информација за стотици пациенти кои се уште се под урнатините, вели хирургот Маџди Ибрахим. – изјави Маџди Ибрахим-хирург.
Двајца ученици од Македонија кои престојуваат во Турција се повредени од земјотресот, известија од МНР. Дипломат од македонската амбасада во Анкара веќе е упатен кон турскиот регион погоден со разорниот земјотрес за да организира евакуација на осумтемина македонски ученици, меѓу кои се и двајцата повредени.
– Се работи за осум ученици и нивен ментор/наставник, кои преку програмата „Еразмус плус“ престојуваат во Република Турција. Како последица од земјотресот, двајца од учениците се здобиле со телесни повреди: едниот ученик е со потешки повреди – скршеница на која во моментов работат медицински лица и е во фаза на санирање – додека вториот ученик е со полесни повреди. Ниту еден од учениците и Менторот не е во животна опасност. – велат од МНР.
Цели населби во 10-ина провинции околу турско-сириската граница се буквално збришани, операциите за пребарување и спасување се во тек низ целиот регион. Инаку јавноста беше предупредена пред три дена од холандскиот научник Френк Хугербитес, кој на Твивер напишал дека областа на југоцентралнаТурција, Сирија, Јордан и Либан ќе биде погодена од 7,5 рихтерови степени. Сеизмолошките прогнози остануваат неизвесни и во деновите што следат.
