Арсенал е првиот финалист во Лига Купот на Англија.
„Топчиите“ синоќа го победија Челзи со 1:0 дома во реваншот од полуфиналето на ова натпреварување.
Поранешниот фудбалер на Челзи, Каи Хаверц, го постигна единствениот гол во 90+7 минута.
Првиот натпревар заврши исто така со победа на Арсенал (3:2). Така, тимот предводен од тренерот Микел Артета се пласираше во финалето.
Вториот финалист ќе биде познат вечер по одигрување на реваншот меѓу Манчестер сити и Њукасл. Првиот натпревар заврши со победа од 2:0 за „Граѓаните“.
