Битола на 22 и 23 август ќе ја живее традицијата што ја прави препознатлива „Бела Ноќ“ на Широк Сокак. Двата дена исполнети со музика, театар и уметност се дел од јубилејното издание на фестивалот „Битфест“, кој ова лето донесе низа културни настани во градот.
Како и секоја година, крајот на август е асоцијација за белата сцена во срцето на Битола.
„Една улица, два дена и еден дрес-код“ – ова е симболиката на манифестацијата што ги обединува генерациите и ја слави македонската музичка сцена.
Во петок, на 22 август, на платото кај Офицерскиот дом од 19 часот ќе се одржи Детскиот хепенинг во бело со настапи на градинката „Естреја Овадија Мара“, театарската група „Едусфера“, Expose Studio, детските хорови „Ѕвончиња“ и „Поп Рокет“, како и со учество на маскоти, ДЈ Милојевиќ, Дона и Friends, Unlimited Coders Academy и Центарот за германски јазик „Илиеви“.
Во сабота, на 23 август, на плоштадот Магнолија од 21 часот ќе се одржи Концертната вечер со настапи на DJ Тања, „Битвокс“, Емоушн бенд, Никола Зацески, Тамара Стојковска, Бојана Скeндеровски ибендот, Александра Јанева и бендот и Виктор Апостоловски.
