Македонскиот суперлигаш ГРК Тиквеш повторно загуби од Бешикташ со 21:23 иако водеше на полувремето со 10:8, во реваншот од второто коло на ЕХФ Европски куп 25/26 година.
Резултатот овој пат ќе го оставиме во втор план иако кавадарчани го завршија својот настап на меѓународна сцена и се за пофалба со нивната организација и атмосферата на трибините во салата Јасмин.
Но вниманието на публиката го привлече поубавата половина на играчот на Бешикташ , Едуардо Гурбиндо.
Се работи за симпатичната Елена М. , која му е сопруга на поранешниот шпански репрезентативец и се разбира е македонка.
Убавата Елена го привлече вниманието на трибините во салата “Јасмин” во Кавадарци, бидејќи беше во ‘црно-белиот’ дрес на Бешикташ но и зборуваше македонски, па за многу домашни ракометни љубители кои не ја знаат македонско-шпанската двојка, за момент си помислија дека се работи за турски фанови.
Елена М. е по потекло од Свети Николе и е во брак од 2021-ва година со сопругот, Едуардо Мартинез Гурбиндо кој е роден во Памплона. Двојката имаат две деца (Лиам и Алба) и се доста активни на социјалните мрежи.
Преку споделувањето на фотографии од нивната приватност на социјалните мрежи, може да се забележи дека ‘нашата’ Елена не ја заборава родната Македонија и секогаш и секаде е со македонското знаме било во Шпанија, Турција или во родната Македонија.
