Обилниот дожд проследен со силен интензитет предизвика сериозни проблеми во Битола, каде вечерва повеќе улици и крстосници се најдоа под вода.
Големи количини дожд создадоа вистински реки низ градските сообраќајници, а движењето на возилата беше отежнато, објави 4news.mk
Најкритично било во централното градско подрачје, каде на одредени крстосници се формирале големи насобрани количества вода, создавајќи услови слични на езера.
Посебно ризична била состојбата кај Безистенот во строгиот центар на градот, каде дел од возилата се движеле низ вода која достигнувала речиси до половина од нивната висина пренесува 4news.
