Битолскиот Камерен оркестар, утревечер во НУ Центар за култура, ќе го изведе третото издание на еден од најпопуларните музички проекти кај нас – MTV The Greatest Hits.
Овој уникатен проект ја враќа магијата на златната ера на 80-тите и 90-тите, со нови аранжмани и свежа енергија што секој пат ја освојува публиката, информираа организаторите на концертот.
За третото издание, подготвена е целосно нова програма со песни што одбележаа една епоха, изведени на еден поинаков и незаборавен начин. Песните ќе бидат во изведба на битолскиот Камерен оркестар IWConnect и Наде Талевска, Полина Тасева, Огнен Димовски, Јана Бурческа, Јасна Димитровска, Ирена Димовска, Александра Трајческа и Алексеј Ивановски.
