Битолчанецот, Ален Рустемовски е спортист на Македонија за 2025 година.
Боксерот на БК „Пелистерски јунак“ и освојувач на сребрениот медал од Европското првенство, го доби признанието на свечената манифестација која се одржа вечерва во организација од Министерството за спорт и Сојузот на спортови на Македонија.
„Оваа награда е резултат на многу работа и жртва. Сакам да се заблагодарам на тренерот и моето семејство кои се секогаш подршка и сите кои веруваат во мене како и мојот град Битола од каде имам огромна поддршка. Ветувам уште поголеми успеси во иднина, за нашата Македонија – изјави Ален Рустемовски по добивањето на признанието во салата на Македонската опера и балет.
Најдобра спортистка во женска конкуренција за 2025 година, е Катерина Попева од бодибилдинг и фитнес.
