Искусниот македонски стручњак Влатко Костов нема повеќе да го води Пелистер, информираше клубот од Битола.
Костов успеа да ги врати „зелено-белите“ во Првата лига, а тимот имаше и солидна полусезона која ја заврши на седмото место со 19 освоени бодови.
Пелистер во веста за разделбата со Костов посочи дека двете страни седнале на маса и преку долг и пријателски разговор си подале рака за спогодбен раскин на договорот.
Неофицијално нов предводник на екипата треба да биде Срѓан Захариевски.
