Македонскиот ракометен шампион Еурофарм Пелистер се пофали со два нови потписи, близнаците Петар и Павле Атанасијевиќ остануваат во Битола, со клубот потпишаа договори до 2028 година.
-Новата сезона тропа на врата, но нашиот проект се протега многу подолго и затоа размислуваме и за иднината. Двата репрезентативни „бисери“ и наши членови со години наназад, Петар и Павле Атанасијевиќ ги продолжија договорите до јуни 2028 годинан и својата иднина ја гледаат во Битола и во шампионскиот тим. Со овој потпис клубот јасно покажува дека од прогресот и скокот од Еурофарм Пелистер 2 во Еурофарм Пелистер, сака браќата Атанасијевиќ да ги задржи и во нивното целосно созревање, заокружувајќи една деценија во зелено-белиот дрес, стои во објавата на клубот.
Петар и Павле имаат по 22 години и веќе можат да се пофалат со три шампионски титули и два Суперкупа на Македонија, а зад себе имаат и по неколку големи натпреварувања во дресот на македонската репрезентација.
