Многу клубови на Балканот обрнуваат сè поголемо внимание на фудбалската инфраструктура, се градат нови стадиони, но се реновираат и старите. Македонија беше меѓу првите што почнаа да гради стадиони поточно, го реновираа стадионот „Тоше Проески“ во Скопјe. Сепак, Македонците можат да се пофалат со уште еден одличен стадион. – стои во објавата на реномираниот спортски портал СпортСпорт од Босна.
Имено, стадионот „Петар Милошевски во Битолa е дом на ФК Пелистер, а денес е еден од најубавите стадиони во Македонија, но и на Балканот. Стадионот беше реновиран од 2015 до 2024 година, а централната трибина, која беше изградена според сите стандарди на УЕФА, доби посебен изглед” – продолжуваат со својата статија околу битолскиот стадион.
Централната трибина има капацитет од околу 4.500 седишта, а втората трибина (јужната) има капацитет од околу 4.000 седишта.
Двете трибини се реновирани, поставени се нови столчиња, направени се клупи за играчи и тренери, направен е ВИП и Прес дел. Стадионот доби и ново осветлување, како и табла за резултати и нови соблекувални кои се направени според посебните стандарди на ФИФА.
Стадионот во Битолa денес има капацитет од 8.587 седишта, а интересно е што рекордот на стадионот беше срушен во март 1991 година кога дуелот помеѓу, Пелистер и Хајдук во рамките на поранешниот Куп на Југославија го следеа 9.700 гледачи.
