Битола на 5 јуни ќе биде домаќин на вистинско бродвејско доживување, откако Американските катчиња во државата го носат култниот мјузикл „The Music Man Jr.” од Мередит Вилсон.
Настанот се организира по повод 250-годишнината од независноста на САД, а публиката ќе има можност бесплатно да ужива во една од најпознатите приказни од музичкиот театар.
„The Music Man Jr.“ е добитник на шест Tony награди и претставува мјузикл исполнет со хумор, топлина и романтика.
Приказната го следи Харолд Хил, шармантен продавач кој ги убедува жителите на малиот град Ривер Сити да инвестираат во детски оркестар, иако самиот не знае ни основи од музиката.
Неговите планови се комплицираат кога ќе се вљуби во Мериан, библиотекарката на градот.
На сцената во Битола ќе настапат ученици од средните училишта „Никола Карев“, „Георги Димитров“, „Раде Јовчевски-Корчагин“ и „Орце Николов“, кои низ изминатиот период активно работеа на подготовка на претставата.
Режијата и сценската подготовка се дело на професорите Јасмина Беличанска, Марина Иванова и Миле Наумовски, со асистенција од ученичките Александра Митеска и Калина Стипцарова.
Настанот ќе се одржи Центарот на културата во Битола со почеток во 19:00 часот.
Влезот е бесплатен, а билетите може да се подигнат на билетарницата во Центарот за култура – Битола или во Американското катче во Битола.
Организаторите ги повикуваат сите љубители на театарот и музиката да бидат дел од ова уникатно бродвејско искуство.
