Валдета Мусаи Фејзуловска е избрана за носителка на листата за советници во Советот на Општина Битола од редовите на Националната Алијанса за Интеграција (НАИ).
Во своето обраќање, Фејзуловска истакна дека со чест и голема одговорност ја прифаќа кандидатурата, упатувајќи благодарност до НАИ за довербата, како и до Демократската Унија за Интеграција – ОО Битола, лидерот Али Ахмети и целото партиско раководство и активисти.
„Овој чекор го правиме заедно со другите кандидати од НАИ, со посветеност да им служиме на нашите граѓани и да придонесеме за развојот на Општина Битола. Со силата на единството што ни ја дава НАИ, можеме да изградиме Битола поразвиена, поинклузивна и со повеќе можности за сите“, порача Мусаи-Фејзуловска.
Таа ги повика граѓаните на заедничко чекорење кон оваа визија, нагласувајќи дека единството и заедничката работа се клуч за подобра иднина на Битола.
Фото: Валдета Мусаи Фејзуловска
