Во духот на Василица и старите македонски обичаи, КС Групација и оваа година ја одбележа празничната атмосфера со традиционалното вртење на паричката – симбол на среќа, благосостојба и успешна година што претстои.
Овој чин, длабоко вкоренет во нашата култура, претставува момент на заедништво, позитивна енергија и верба во нови почетоци. Како компанија која ги негува традиционалните вредности, но истовремено е насочена кон развој и иновации, КС Групација и во 2026 година ја започнува својата приказна со почит кон наследството и јасна визија за иднината.
КС Групацијата, составена од Евротип, Голд Слот Клуб, Голд Фелициа, Премиум Сејфти Солушн, Агроброд, 77 Софт и 77 Ентертејмент, продолжува да гради стабилна и одржлива деловна средина, водена од професионализам, тимска работа и долгорочна стратегија за раст.
Среќната паричка оваа година му припадна на Илија Илијевски, генерален менаџер на Евротип, на кого симболично му посакуваме уште поголеми професионални успеси, лидерство и среќа во годината што следи.
Нека новата година донесе здравје, стабилност и уште поголеми заеднички достигнувања, како и нови можности за раст, развој и успех за сите вработени, партнери и клиенти на КС Групација.
