Компанијата „Мета“ соопшти дека ќе почне да наплатува дополнителен надомест за огласувачите, во висина од 2 до 5 отсто, со цел да ги покрие даноците за дигитални услуги што ги воведоа некои европски држави.
Американскиот технолошки гигант во објава на својата веб-страница наведе дека надоместот ќе се применува за сликовни и видеореклами прикажани на неговите платформи.
Одлуката се однесува и на кампањи на платформата „Вацап“ со опцијата „кликни за испраќање порака“, како и на маркетиншки пораки поврзани со реклами.
Новата мерка ќе почне да се применува од 1 јули, а ќе опфаќа и други владини давачки.
Што претставува дигиталниот данок?
Со оваа одлука „Мета“ ги следи чекорите на компаниите „Алфабет инк.“ и „Амазон“, кои веќе воведоа слични надоместоци.
Компанијата наведе шест држави во кои ќе се применуваат овие такси: од 2 отсто во Обединетото Кралство, 3 отсто во Франција, Италија и Шпанија до 5 отсто во Турција.
Дигиталниот данок се наплатува како процент од приходот што големите технолошки компании го остваруваат во одделни земји.
