Во организација на КС Групација, а во рамки на комплексот Gold Felicia, по третпат се одржа традиционалниот Хуманитарен Велигденски базар во Битола – настан кој уште еднаш покажа дека празниците се најубави кога се споделуваат со хуманитарна цел. Голем број семејства беа дел од оваа празнична приказна исполнета со радост, забава и солидарност.
Настанот беше целосно посветен на хуманоста, а посетителите имаа можност преку симболична донација од 100 денари да учествуваат во „Среќното тркало“ и да освојат вредни награди обезбедени од спонзорите. Сите собрани средства ќе бидат донирани во Републичкиот центар за поддршка на лица со интелектуална попреченост – ПОРАКА, со што оваа иницијатива доби уште поголема општествена вредност.
Празничната атмосфера беше надополнета со богата детска програма. Просторот беше украсен во велигденски дух, со специјално фото катче и анимирано велигденско зајче кое ги воодушеви најмалите. Посебно внимание привлече и коњаницата на КЈК Пиреј, која со кочии во класичен староградски стил овозможи бесплатно возење за децата во дворот на Gold Felicia, создавајќи незаборавни моменти исполнети со радост и насмевки.
Настанот кулминираше со детско караоке шоу, каде најмалите имаа можност сами да изберат песничка и да настапат на сцена во вистинска празнична атмосфера со сценски ефекти и силен аплауз од присутните.
Со оваа иницијатива, КС Групација и Gold Felicia, како дел од групацијата, уште еднаш ја потврдија својата посветеност кон заедницата и поддршката на хуманитарни активности кои носат насмевки и позитивна енергија.
Голема благодарност до сите поддржувачи кои придонесоа за успешната реализација на настанот:
Пелистерка, Прилепска пивара, Gold Felicia, Аптеки Сигнатура, Карнем, Дани Трејд, Match Superfood, Пекара Векна, Фреш фрут, Јени Маркет, Манаки Продукција, Гермит, Стифи, Минт, Сим фил, РШ Винда, Пчела, Фер ком, Греен гарден и Далвина.
