Фудбалска репрезентација на Македонија денеска од 17:00 часот во Прага, Чешка го игра третиот пријателски натпревар против Саудиска Арабија.
Поранешниот репрезентативец на Македонија и поранешен играч на Пелистер и Вардар од златните времиња – Драган Веселиновски – Пикси се сеќава на првиот дуел со саудијците не по фудбалските квалитети туку по жештината во главниот град на Саудиска Арабија, Ријад.
„Беше пекол жешко и се сеќавам го одложија неколку часа мечот покасно до вечерта кога и го одигравме. Од денешен аспект по фудбалските квалитети не можам да се присетам на противникот само паметам водевме по првиот дел а на крај веше 1:1. Во нашиот национален состав играа многу имиња како: Ставревски, Петров, Зекир, Мазнов, Попов, Стојанов и Капиновски. Тренер ни беше Ѓоре Јовановски“, се сеќава Веселиновски кој одигра над 20 мечеви за македонскиот национален состав.
Денешниот “тест” меч со саудијците претставува вовед пред квалификацискиот дуел од Мундијалсите квалификации внедела на 7-ми септември во на домашен терен против Лихтенштајн.
Селекторот Милевски денеска настапува со мешан состав, шанса ќе добијат повеќе кои имаат мала минутажа во квалификациите а своето деби денеска ќе го има и играчот на Раднички 1923, Лука Станковски. Стандардните репрезентативци: Елмас, Барди, Миовски и Чурлинов на денешниот дуел каде се бара прв триумф против ‘саудијците’ ќе бидат на клупата за резервни играчи. Во живо од стадионот на Викторија Жижков пренос ќе прави Македонската телевизија.
