Бразилската манекенка Адријана Лима повторно ќе биде дел модната ревија на „Викторија Сикрет“, еден од најпознатите брендови за долна облека во САД и ширум целиот свет. Таа со години беше препознатливо лице на овој бренд и беше еден од најпознатите „ангели“.
Лима стави крај на својата манекенска кариера во 2018 година, откако цели две децении беше дел од модните ревии на „Викторија Сикрет“.
Таа неодамна повторо продефилира на модната писта, овој пат во рамки на Париската модна недела. Таа беше дел од ревијата на италијанскиот бренд „Скјапарели“.
Сега Лима сними реклама за најава на вечерашното модно шоу. Имено, манекенката ја рекреираше култната сцена од филмот „Како да се биде сингл?“ („How To Be Single“), во која се качува во такси и му вели на таксистот дека сака да ја врати дома, односно на ревијата на „Викторија Сикрет“.
„Здраво, ние се обидувавме да сочуваме тајна, но не можеме веќе да ја чуваме. Адријана Лима се враќа на модната писта. Добро е, ви ја споделивме и веќе се чувствуваме многу подобро“, споделија од „Викторија сикрет“.
Adriana Lima is ready 🪽#VSFashionShow #vsfs24 pic.twitter.com/TSIhQ1O6zJ
— Victoria’s Secret Actu (@vsactu) October 14, 2024
