Една амбициозна 63-годишна ученичка од автошкола од Аргентина на потешкиот начин се соочила со предизвиците кои ѝ биле зададени, можеби и еден од најлошите кои би можеле да ѝ се случат во контролирани услови за полагање на полигон.
Таа седнала во автомобил од марката „Volkswagen“ и тргнала на полигонот. Веќе по првото вртење го удрила тротоарот, а потоа не застанала на знакот „стоп“. Потоа, на видеото се гледа како повторно го удира тротоарот, но се враќа на патот.
Само накратко, бидејќи тогаш нагло забрзува, ја пресекува „сообраќајницата“ и се катапултира во челичниот столб. Судејќи по забрзувањето, впечатокот е дека жената во паника ја притиснала педалата за гас наместо кочница.
Автомобилот завршил на страна, а многу веројатно смртно преплашената кандидатка спектакуларно ја завршила и својата возачка кариера.
„BBC“ наведува дека таа претрпела полесни повреди и била одведена во болница.
