ЈКП „Водовод“ – Битола ги информира жителите на битолските села Логоварди и Поешево дека овој викенд ќе има прекин во водоснабдувањето и сообраќајот поради изведување на работни активности на новата водоводна мрежа.
На 16 август (сабота) и 17 август (недела) ќе се врши поставување на нови приклучоци на потегот Логоварди – Поешево, поради што водоснабдувањето за овие населени места ќе биде во прекин. Истовремено, привремено ќе биде затворен и патниот правец низ селата.
Прекинот ќе започне во 08:00 часот и ќе трае до завршување на активностите. Од ЈКП „Водовод“ – Битола апелираат до граѓаните за разбирање и трпение додека траат работите.
