Познатиот македонски метеолог Славчо Попоски со прогноза која многумина ќе разочара. Пролетта е променлива, а започнува со вистински студ.
Почнувајќи од 26 март 2026 година (четврток), од север кон јужна и југоисточна Европа ќе продре многу ладен воздух, невообичаен за овој период од годината.
Како последица на тоа, над Џеновски залив ќе се формира длабок циклонски систем, кој ќе го зафати целиот Балкански Полуостров, вклучувајќи ја и Македонија.
Според Попоски, се очекуваат обилни врнежи од дожд и снег, формирање снежна покривка, бурен ветер и нагло и значително заладување. Дожд и невреме во четврток навечер.
– Во Македонија, врнежите ќе започнат кон крајот на денот во четврток и ќе продолжат во текот на ноќта кон петок (27 март). Најпрвин во западните предели, а потоа и низ поголем дел од земјата. На планините над 1000 метри ќе врне снег, а снежната покривка може да надмине 15 сантиметри. Во западните и северните делови, снегот може да се спушти и под 1000 метри. Во повисоките населени места можно е врнење влажен снег, прогнозира Попоски.
скопјеинфо
