ВМРО-ДПМНЕ својот 35-ти роденден ќе го одбележи утре (17 јуни 2025 година) со почеток во 20.00 часот во Хераклеја Линкестис во Битола.
На роденденот се очекува да присуствува членство и симпатизери од цела Македонија.
Од 1990 до денес – 35 години борба, посветеност и љубов кон татковината. ВМРО-ДПМНЕ во Битола отсекогаш било симбол на патриотизам, традиција и народна доверба, велат од ВМРО-ДПМНЕ.
„Ова не е само роденден, ова е славење на една идеја која живее и ќе живее – идејата за силна, просперитетна и достоинствена Македонија“, се вели во најавата од партијата.
На одблежувањето на 35 годишното постоење на партијата, ќе присуствува лидерот на ВМРО-ДПМНЕ и претседател на Владата, Христијан Мицкоски како и актуелното раководство на партијата.
Од ВМРО-ДПМНЕ упатија покана до сите членови, ветерани, поддржувачи и пријатели на партијата, како и претставници на Унијата на млади сили и Унијата на жени да присуствуваат на одбележувањето.
„Со благодарност кон основачите, и со поглед кон иднината, продолжуваме да ја градиме ВМРО-ДПМНЕ како силен народен стожер. ВМРО-ДПМНЕ – 35 години непоколебливо со народот!“, се наведува во поканата.
