ЈО и Коцевски повеќе да не молчат, кој ги злоупотребил АНБ и АР за политички пресметки и кој наредил да се следи претседателот Мицкоски?
ЈО да не молчи, итно да реагира и да спроведе темелна и транспарентна истрага за незаконското следење на претседателот Мицкоски, новинари, бизнисмени и останати партиски функционери, наведува ВМРО-ДПМНЕ во соопштение што МИА го објавува интегрално.
Дали ЈО и Коцевски ја штитат политичката мафија или правдата во државата?
5 години службите на АНБ и АР биле под целосна партиска контрола на СДС и ДУИ каде институциите биле злоупотребувани а човековите права целосно нарушени.
СДС и ДУИ ги злоупотребувале институциите и нанеле директен удар врз демократијата и основите на правната држава.
СДС пет години ги рушела темелите на системот и правната држава заради теснопартиски интереси со цел што подолго да се задржат на власт. За таа цел се конструирале белешки од АНБ.
ЈО и Љупчо Коцевски да престанат да бидат сервис на партиската врхушка на СДС и ДУИ.
ЈО и Љупчо Коцевски да се одважат и да започнат да работат во интерес на правото и правдата во државата.
Љупчо Коцевски лично и директно сноси одговорност за мизерната доверба на граѓаните во правосудството која е под 2 проценти. Молкот на Коцевски е соучество и организирано прикривање на незаконското следење.
ЈО да открие кој стои зад незаконското следење на претседателот Мицкоски и кој ги злоупотребил АНБ и АР за политички пресметки.
Центар за комуникации на ВМРО-ДПМНЕ
