ВМФЛ:Новаци славеше на гостувањето во Ресен, лидерот Брегалница киксна против Охрид

Во втората македонска фудбалска лига се одигра овој викенд 7. Коло.

Екипата на ФК Новаци славеше на гостувањето во Ресен кај Преспа со 3-0.

На самиот старт од натпреварот гостите заводија преку Силјаноски, во вториот дел иницијативата и шансите ги имаа повторно новачани пред самиот крај на натпреварот паднаа уште два голови во мрежата на ресенчани преку Јовановски и во судиското продолжение конечните 3:0 ги постави Андоновски.

Брегалница од Штип на гостувањето кај Охрид одигра само 0:0  но остана на врвот на табелата со 17 бодови колку има Шкендија 77. Арачиновци му дишат во врат на штипјани, кои запишаа голема победа на гостувањето во Струмица и ја победи Беласица со 1:0 погодокот го постигна Еркан Шаип во 78-мата минута.

Големо Коњари ја забележа премиерната победа над Кожуф со 1:0, со автоголот на Дарко Стојанов во 31. минута.

ФК Скопје победи со 4:1 над Вардар Неготино во Автокоманда.

Виктор Ангелов, Мердиан Рамадани, Горан Цветков и Армир Иса погодија за „пиратите“, за гостите единствениот гол го даде Ристе Лембовски.

Осогово на гостински терен запиша голема победа на гостувањето во Виница против домашниот тим на Слога Виница  со 1-0, стрелец беше Драган Паунов во 65 минута.

Детонит Плачковица постигна три гола против Победа од Прилеп (3-1). Сашко Дуков со два гола и Алњксандар Смилков беа среќните голгетерот за Детонит за прилепчани голот го даде Филип Димоски.

Во Македонска Каменица интересен меч одиграа Саса и Тетекс со шест погодици. Тони Мичкоски постигна два гола за Саса и еден гол даде Бојан Иванов, додека Тетекс спасувајќи се во финишот од поразениот, погодоци постигнаа: Азис Јамини, Меритон Салихи и Петар Обадик.