ЈЗУ Центар за јавно здравје-Битола и годинава ќе врши вакцинирање на лицата кои ќе се пријават за бесплатна вакцинација против сезонски грип.
Имунизацијата е најефикасна мерка за заштита на здравјето, посебно за ризичните групи граѓани кои се очекува да аплицираат и да бидат вакцинирани, изјави за МИА, Светлана Поповска Кљусева, директорка на ЈЗУ Центар за јавно здравје-Битола.
-Очекуваме ефикасен процес на вакцинација и успешен како во минатата година кога беа пријавени и вакцинирани над 7000 граѓани. Според првичните податоци најголем интерес за вакцинирање покажуваат лица над 65 годишна возраст, а ние сме подготвени да ги прифатиме сите што ќе аплицираат преку порталот vakcinacija.mk или преку својот матичен лекар. Ние во овој период ќе работиме секој ден од 7 до 19 часот, посочи Поповска Кљусева.
Според востановената традиција стартот на беслатното вакцинирање против сезонски грип почнува во втората половина на месецов, а доколку е потребно ќе бидат обезбедени и комерцијални вакцини, потврдија од ЈЗУ Центар за јавно здравје-Битола.
Фото/Извор: Миа
