Фармерите од битолскиот дел на Пелагонија денеска го одбележаа светскиот ден на млекото и ден на фармерите.
Според градоначалникот на Општина Битола Тони Коњановски, фармерите се еден од важните столбови во локалната економија.
-Битола е земјоделски крај и затоа искрено им благодарам за се што прават пелагониските земјоделци и фармери. Во ваква прилика треба да се истакне посветеноста, истрајноста и трудољубивоста на фармерите како еден од важните столбови во локалната економија на Општина Битола. Соработката меѓу битолските фармери и БиМилк како значајна компанија во општината и регионот освен што се обезбедува пласман на квалитетно домашно млеко туку и се обезбедува развој на руралните средини, се зајакнуваат малите семејни стопанства и обезбедува сигурна иднина на многу фамилии. Ние како локална самоуправа остануваме посветени, иако не со директни ингеренции, но сепак помагаме за подобри услови за работа и развој на земјоделството, посочи Коњановски.
На светскиот ден на млекото и ден на фармерите, генералниот директор на битолската Млекара, Ѓорги Петрушев посочи дека фармерите за важна алка во млекопроизводствениот систем.
-Нема квалитетен млечен производ ако фармерите на произведат квалитетно млеко и затоа сите секојдвнево, постојано работиме на производството на квалитетно млеко. Растеме заедно затоа што вашиот напредок е и наш напредок. Нашата цел е да ја зголемиме продуктивноста и да го подобриме квалитетот на млекото за да може освен на домашниот, да настапуваме и на странските пазари, односно да размислуваме за извоз. Тој предизвик го поставуваме пред нас и очекуваме за неколку години да соопштиме дека сме освоиле странски пазари и за успесите на македонската млечна индустрија, истакна Петрушев.
На истакнати фармери од Пелагонија, на светскиот ден на млекото и ден на фармерите, беа додели пригодни награди и признанија.
Фото: Бимилк
