Екипи на јавното комунално претпријатие „Нискоградба“ денеска во урбаниот дел на градот го чистат коритото на реката Драгор.
Во изјава за МИА, директорот на претпријатието Зоран Талевски, истакна дека создадени се услови за чистење на коритото од бујната вегетација.
-Утрово наши екипи влегоа во коритото на реката Драгор и целосно ќе го исчистат од бујната вегетација, но и отпад кој го фрлаат несовесни граѓани. За реализација на акцијата создадени се најважните услови, односно водостојот на реката е на ниско ниво и тоа овозможува безбедно работење. Чистењето почна од месноста викана „Црн Мост“ и ќе се чисти до последниот, камен мост што се наоѓа на излезот од урбаниот дел на градот, истакна Талевски.
Екипите на ЈКП „Нискоградба“-Битола освен внатрешното корито ги чистат и ѕидовите кои исто така во изминатиот период беа обраснати со дрвја и трева.
Фото: МИА
