Ансамблот на НУ Народен театар – Битола ја подготвува познатата битова драма на Васил Иљоски, „Чорбаџи Теодос“, во режија на Дамјан Димовски.
Драмата напишана во 1937 година, битолските актери ја подготвуваат во три чина, а носечката порака е: животот секогаш наоѓа начин да нè соочи со сопствените неправди и да нè врати на вистинскиот пат.
Во најновата театарска премиера, која ќе биде изведена на 26 мај, ќе настапат: Живко Борисовски, Марија Стефановска, Елена Моше, Никола Стефанов, Александар Димитровски, Сандра Грибовска-Илиевска, Никола Пројчевски, Александар Копања, Петар Спировски и Марија Цветановска.
„Чорбаџи Теодос“ е комедија на интригата што ќе ја подметне итриот Арсо за да го исмее чорбаџијата. Инспирирана е од анегдотата за присилното кумство.
Ова ќе биде четврта по ред премиера за оваа година во Народниот театар – Битола.
