Бројот на активни претплатници во мобилната телефонија заклучно со третиот квартал лани изнесува 2.105.467, а реализрани се 1.299.617.051 минути разговор. Резиденцијални припеид претплатници се 833.089, резиденцијалн постпеид 1.024.072, а деловни постпеид 248.306, покажуваат најновите податоци од Агенцијата за електронски комуникации (АЕК).
Извештајот на АЕК покажува дека А1 Македонија има 47,41 процент удел во вкупниот број претплатници, Македонски Телеком 46,68 проценти, М ТЕЛ 4,55 проценти, Телекабел 1,27 проценти, а Греен мобиле 0,10 проценти.
Во приходите од обезбедување на мобилни комуникациски услуги (малопродажно ниво) во третиот квартал од 2025 година Македонски Телеком има удел од 49,49 проценти, А1 Македонија 48,58 проценти, М ТЕЛ 0,93 проценти, Телекабел 0,79 проценти, а Греен мобиле 0,11 проценти.
Пристап до интернет со широк и тесен опсег преку мобилна мрежа (2G/3G/4G) во третиот квартал имале 1.781.697 претплатници.
Според податоците на АЕК, во третиот квартал во државава имало 459.643 фиксни линии, со удел од 51,68 проценти на Македонски Телеком, 43,34 проценти А1 Македонија, 3.17 проценти Телекабел, 1,26 проценти Неотел, 0,55 процент Актон.
