Речиси сите нови автомобили регистрирани во Норвешка минатата година биле целосно електрични, покажаа денешните официјални податоци, потврдувајќи ја водечката позиција на Норвешка во постепеното укинување на бензинските и дизел возилата.
Норвешка е голем производител на нафта, а нејзиниот забрзан премин кон возила на батерии е во спротивност со остатокот од Европа. Додека Норвешка брзо се префрла на возила на батерии, слабата побарувачка во Европската Унија го наведе Брисел минатата недела да се откаже од планираната забрана за автомобили со мотори со внатрешно согорување до 2035 година.
Благодарение на даночните олеснувања, 95,9 проценти од сите нови автомобили регистрирани во Норвешка во текот на 2025 година биле електрични возила. Нивниот удел во 2024 година изнесувал 88,9 проценти, покажаа податоците од Норвешката асоцијација за патен транспорт (OFV).
Само во декември 2025 година, електричните автомобили сочинувале 98 проценти од сите возила продадени во Норвешка.
Во текот на изминатата година, во оваа скандинавска земја биле регистрирани рекордни 179.549 нови автомобили, што е за 40 проценти повеќе од претходната година, објави OFV.
Фото: МИА архива
