Во Центарот за управување со кризи (ЦУК), од вчера, во последното деноноќие, имало пријави за 22 пожари на отворено, од којшто еден во прилепско е сѐ уште активен. Утрово пак е пријавен нов пожар во кривопаланечко, со што вкупно се 23 пожари, информираа утрово од ЦУК.
Регионалниот ЦУК Куманово известува дека во Територијалната противпожарна единица (ТППЕ) Крива Паланка нешто пред 8 часот е примена информација за пожар кај село Крлља, Општина Крива Паланка. На местото на пожарот е упатена екипа од 3 пожарникари со едно противпожарно (ПП) возило.
„Во 8 часот за гаснење на пожарот во село Кркља, е упатена и екипа од 4 лица со едно теренско возило од ЈП „Национални шуми“ – подружница Осогово од Крива Паланка во состав. Инаку, денеска сѐ уште е активен пожарот од вчера, во Општина Прилеп, запалена е сува трева и нискостеблеста деградирана шума. Инаку, заради брзото ширење на пожарот беше интервенирано со 3 авиони на Дирекцијата за заштита и спасување (ДЗС) што направиле по два прелета“, информираа од ЦУК.
Од останатите пријавени пожари изгаснати се пет пожари во Куманово, два во Прилеп и по еден скопските општини Сарај, Бутел и Аеродром, како и во Демир Хисар, Охрид, Македонски Брод, Дебар, Виница, Штип, Пробиштип, Тетово, Гостивар и Липково.
Според информациите на ЦУК гореле сува трева, нискостебелеста деградирана шума, ѓубре, запалено стрниште…
