Во среда, на 30 јули 2025 година, со почеток во 21:00 часот на Плоштадот Могила, ќе се одржи промоцијата на кандидатурата на Драганчо Саботковски за втор мандат за градоначалник на Општина Могила.
Настанот се организира под мотото „Општина Могила продолжува победнички“, а како што најави Саботковски, ќе претстави јасна визија и конкретни проекти за понатамошен развој на општината.
Промоцијата е отворена за сите граѓани кои веруваат во стабилен, домаќински и развоен пат за Могила, со силна поддршка од Владата и ориентација кон иднината.
„Продолжуваме победнички за Општина Могила! Се гледаме на 30 јули“ порачува Саботковски.
