Сончево и топло најавува УХМР за денеска, но попладне и кон крајот на денот, претежно во северните делови за денеска, се очекува има локален пороен дожд, грмежи и засилен ветер. Тоа треба да биде краткотрајно и во вид на изолирано невреме.
Минималната температура ќе се движи во интервал од 11 до 20, а максималната ќе достигне од 26 до 34 степени.
И конкретно за Скопје се најавува сончево со мала до умерена облачност,а од пладневните часови се очекува краткотрајно нестабилно време проследено со локален пороен дожд, грмежи и засилен северен ветер. Минималната температура ќе се спушти до 16, а максималната ќе достигне 29 степени.
Според УХМР, во четврток (утре) ќе дува повремено засилен северен ветер, што ќе услови температурата да се намали за неколку степени, а попладне претежно на запад ќе има појава на повремен пороен дожд и ретки грмежи. Од петок температурата повторно ќе биде во постепен пораст.
