Времето денеска ќе биде сончево со мала до умерена облачност. Попладне се очекува локален развој на нестабилна облачност проследена со пороен дожд и појава на грмежи. Во источните делови ќе дува слаб до умерен ветер од југозападен правец, додека во западните делови ветерот ќе биде од променлив правец.
Дневните температури ќе се движат во интервал од 3 до 9 степени во утринските часови, додека максималните ќе достигнат од 20 до 25 степени.
Во Скопје времето ќе биде сончево со мала до умерена облачност и услови за слаб локален дожд. Ќе дува слаб до умерен ветер од северен правец, со минимална температура од 7 и максимална дневна до 24 степени.
Од утре, под влијание на влажна и постудена воздушна маса, времето ќе биде облачно со врнежи од дожд, кои наместа ќе бидат пообилни (од 15 до 20 l/m2). Поради продор на постуден воздух од север, на планините врнежите од дожд ќе преминуваат во снег.
Од петок до крајот на неделата се очекува променливо облачно и нестабилно време со повремени врнежи од дожд. Ќе дува умерен до засилен ветер од северен правец, кој повремено ќе ја надминува брзината од 60 km/h. Температурите ќе бидат во опаѓање, а утринските температури на места ќе се спуштат и под нулата.
