Сончево време со умерен ветер од севрозападен правец, се најавува за денеска во прогнозата од Управата за хидрометеоролошки работи (УХМР).
Во текот на денот, се очекува да дува и слаб до умерен ветер од северозападен правец. Наутро по одделни котлини ќе има услови за појава на магла. Утринската температура ќе биде од минус 1 до 7 Целзиусови степени, а во текот на денот од 19 до 27 степени.
Во Скопје, денеска наутро ќе има услови за појава на слаба магла, а преку денот ќе биде сончево со мала облачност и со слаб ветер од северен правец. Температурата ќе биде од 6 до 26 степени.
За утре синоптичарите најавуваат слично време како и денес. Во утринските часови ќе има услови за појава на магла. Преку денот ќе биде сончево со мала до умерена локална облачност, а ќе дува и слаб до умерен ветер од северен правец. Температурата во текот на денот ќе се движи во интервал од 21 до 27 степени.
