Времето денеска ќе биде променливо облачно со сончеви периоди и многу студено. Ќе дува умерен до засилен ветер од северен правец, особено вдолж Повардарието и во источните делови каде се очекува локално да биде со брзина од над 60 километри на час, информираат од Управат за хидрометеоролошки работи.
Температурата наутро ќе биде од -10 до 1 степен, а во текот на денот од -7 до 3 Целзиусови степени.
Во Скопје времето денеска ќе биде променливо облачно и многу студено со сончеви периоди. Ќе дува засилен северен ветер, а температурата ќе се искачи до 0 Целзиусови степени.
Утре, како што информираат од УХМР, времето ќе биде наутро многу студено, а преку денот сончево со умерена облачност. Ќе дува умерен ветер од северен правец, особено вдолж Повардарието.
Во Скопје утре ќе биде променливо облачно со сончеви периоди, а ќе дува и засилен северен ветер.
