По триумфот над Вардар пред неколку дена, австралискиот состав Престон Лајонс одигра уште еден контролен меч во Македонија, овојпат против Пелистер. Во пријателска атмосфера и фер игра „зелено-белите“ од Битола успеаја да извојуваат минимална победа од 1-0.
Дуелот се одигра на стадионот во Новаци, каде што првото полувреме мина без голови. Клучниот момент се случи во продолжението од натпреварот, кога судијата досуди пенал за Пелистер по игра со рака на еден од гостинските фудбалери.
Бобан Здравевски ја презеде одговорноста и ја изведе најстрогата казна. Иако неговиот прв удар беше одбранет од голманот, топката повторно се најде пред него, па со вториот обид успешно погоди за конечни 1-0 и победа на домашниот тим.
Фото: Димитар Петковски
