Германската машка кошаркарска репрезентација и актуелен светски шампион во кошарка е новокрунисан европски шампион!
Во историјата на кошарката, само соодветните репрезентации на поранешните СССР и Југославија како и Шпанија го постигнале овој подвиг.
Во спектакуларното финале на Евробаскетот во Рига – Латвија, Германската кошаркарска репрезентација со привремениот тренер Алан Ибрахимагиќ ја победи Турција со 88-83 по четвртини (24-22, 16-24, 26-21, 22-16), со што ја освои својата втора европска титула по титулата во Минхен во 1993 година.
Присутен на трибните беше и германскиот претседател , Франк-Валтер Штајнмаер како и министерката за спорт ,Кристијане Шендерлајн. Ова е нивниот трет медал на големите кошаркарски настани во последните четири години. Овој тим повторно се проби во срцата на германската јавност во последните недели.
Најефикасни кај ‘панцирите’ беа: Исак Бонга со 20 поени , 18 поени уфрли Франц Вагнер додека капитенот Денис Шрoдер постигна 16 кој очекувано е избран и за МВП на турнирот.
Во турскиот тим најмногу поени постигна Алперен Шенгун 28 поени додека родениот “охриѓанец” Чеди Осман реализира 23 за второ сребро за Турција откако играше во првото финале далечната 2001-ва година кога и беа домаќини на турнирот и поразени во финалето од Југославија.
Фото – ДББ
