Голд Фелициа како верен сојузник на работењето на Советот за женско претприемништво од Битола го поддржа свеченото одбележување на годишнината од формирањето на самиот совет кое се одржа во понеделникот во Белата Куќа – Хотел Бистро.
Настанот имаше за цел да ја промовира креативноста на жените кои работат со декорација и припрема на свечености од аспект на цветни аранжмани, декорации, кетеринг, пекарски производи, торти, колачи и еколошки декоративни свеќи.
На настанот присуствуваа претставници од маркетинг секторот на КС Групација во чиј состав спаѓа и комплексот Голд Фелициа.
На раководителката на маркетинг секторот на КС Групација Елена Трајчевска и беше доделена благодарница за поддршката на Голд Фелициа која обезбеди вкусен и деликатесен кетеринг.
Голд Фелициа смета дека жените играат клучна улога во создавањето на позитивни промени во економијата и општеството и гордо најавува дека и во иднина ќе ја продолжи поддршката на ваквите настани.
