На 29ти декември Голд Фелициа беше арена на хуманост и детска енергија.
Во духот на претпразничното расположение Голд Фелициа организираше традиционален хуманитарен базар во чиј склоп се одржа и детски караоке фестивал. Новогодишниот хуманитарен базар се организира трета година со ред.
Во дворот на комплексот Голд Фелициа беше сместен хуманитарниот базар на кој покрај производите од компаниите-поддржувачи на настанот се продаваа и печени костени, греено вино и топла ракија.
Посетителите на самиот настан покажаа голем интерес за нашето “Среќно тркало” на кое со донирање на 100 денари учесниците имаа можност да добијат вредни подароци или вредносни ваучери од компаниите кои го поддржаа самиот настан.
Сцената на Голд Фелициа беше претворена во музичко-детски свет каде пријавените деца за караоке фестивалот ги испејаа своите песнички и дополнително ја зголемија магичноста на самиот настан.
Веселите распеани гласови на децата беа најубавиот декор на самиот настан.
Позитивната енергија и насмеаните лица на посетителите се доказ за успешноста на нашиот настан на кој посетителите не само што се забавуваа туку и ја покажаа својата хуманост на дело.
Парите кои беа собрани на самиот настан ќе бидат донирани на семејство од социјален ризик од Битола во пресрет на големиот празник Василица.
Голд Фелициа ќе продолжи да го организира овој настан и со личен пример да ги поттикни и другите компании да организираат вакви настани во пресрет на големите христијански празници кои имаат забавно – хуманитарен карактер.
