Денес, понеделник 15. септември, гордоста на македонската заедница во Австралија клубот Престон Лајонс поранешен Престон Македонија , со чартер лет патуваат за Македонија каде ќе ја имаат нивната прва интернационална турнеја и ‘судир’ со великаните од македонскиот фудбал против екиипите на ФК Вардар и ФК Пелистер.
“Ни претставува чест да објавиме дека нашиот сениорски машки тим ќе го претставува нашиот клуб и заедницата во Македонија, а тимот ќе замине овој понеделник на 15 септември, а патувањето ќе служи како тренинг камп пред Австралиското првенство”. – стои во официјалното соопштение на клубот од Мелбурн, основан далечната 1947 година.
Од клубот најавија дека ќе се одиграат два пријателски мечеви против Вардар на 23-ти во 15:30 часот како и на 25-ти Септември исто така во 15:30 часот на стадионот Петар Милошевски во Битола.
Претставнците од клубот ќе учествуваат и во неколку хуманитарни акции за време на турнејата, вклучувајќи и распределба на средства од Апелот за Кочани. Тие притоа му се заблагодаруваат на Министерот за надворешни работи на Македонија како и на претседателот на Фудбалската федерација на Македонија.
“Ова патување е овозможено благодарение на неверојатните напори на министерот за надворешни работи на Македонија, почитуваниот Тимчо Муцунски и Фудбалската федерација на Македонија предводена од претседателот Масар Омерагиќ. Тимот ќе биде гостин на ФФМ додека патуваме и играме во Охрид, Скопје и Битолa” – додаваат од Престон Лајонс.
Според информации од клубот на македонците од Австралија патувањето е целосно финансирано од ФФМ, неколку спонзори од кои еден е авиокомпанијата Туркиш Ерлајнс.
