Растат тензиите на Блискиот Исток. Околу 00:35 часот, според Средноевропско време, два проектила погодија танкер за нафта кај Доха. Британските поморски власти го потврдија нападот во територијалните води на Катар, но се уште нема информација под чие знаме пловел бродот и кој ги лансирал ракетите.
„Пријавено е дека танкерот е погоден во неговта лева страна, предизвикувајќи оштетување на трупот над линијата на водата. Сите членови на екипажот се безбедни“, се вели во соопштението од УКМТО. Како што се појаснува, едниот проектил предизвикал пожар, кој во меѓувреме е изгаснат, додека вториот останал неексплодиран во машинската просторија на бродот.
Надлежните служби го истражуваат инцидентот и според достапните информации, нема загадување на животната средина.
Нападот се случува еден ден откако танкер што превезуваше околу два милиони барели нафта од Кувајт и Саудиска Арабија беше погоден од ирански напад со беспилотни летала додека беше закотвен крај брегот на Дубаи пренесува вечер.
