Среда, пазарен ден во Прилеп! Заедно со директорот на ЈКП „Пазари“, направивме обиколка на пазарот и разговаравме директно со нашите сограѓани и со пазарџиите.
Нашиот градски пазар се простира на површина од околу 5.000 м² и располага со 365 тезги, што го прави едно од најзначајните места за секојдневна трговија и социјален живот во Прилеп.
Во изминатите два месеци успешно го завршивме санирањето и комплетното препокривање на околу 400 м² од покривот на почетниот дел од пазарот, каде што постоеше долгогодишен проблем и кровната конструкција беше нефункционална.
Разгледуваме повеќе идеи и можности за целосна реконструкција и модернизација на пазарот, со цел да создадеме подобри, побезбедни и поквалитетни услови за сите.
Продолжуваме посветено да работиме на унапредување на јавната инфраструктура и поддршка на локалната економија. – стои во соопштението на градоначалникот Дејан Проданоски.
Општина Прилеп
